Икона Иулиания Вяземская и Новоторжская

Рукописная именная икона святой благоверной княгини Иулиании Вяземкой и Новоторжской (икона для Юлии).

Доска липа, ковчег, паволока, левкас, сусальное золото, рельефные золотые узоры по полю иконы, резные узоры по золотому нимбу.

 

Описание

Молитва:

О блаженная госпоже, преславная Христова мученице, небесных Ангелов сожительнице, благоверная княгине Иулиание, добре за чистоту подвизавшаяся, ея же ради и Божественными дарами обогатившаяся, во временней жизни люте от злокозненнаго врага пострадавшая, утешение же некончаемое от Христа Бога получившая, благими делы и кротостию украсившаяся и кротких землю наследовавшая, благочестно в законе пожившая и вельми ныне чудесы просиявшая! Ты, яже чистоты ради твоея сердечныя, прияла в тя свет Святаго Духа и была еси всех благих дел сокровище на земле и, сего ради благий конец мученичества улучивши, неизреченнаго света сподоблена еси в вечных кровех Небеснаго селения. Ты, яже со святыми соборы водворяешися и с мученик лики веселишися, помяни и нас, добродетельное твое житие и страдания твоя мученическая похваляющих и с духовною радостию почитающих твою память. Призри на ны, волнами житейскими обуреваемыя, да твоими мо­литвами, добре поживше, диавольских избежим сетей и с тобою веч­ных благ сподоблены будем. О всеблаженная страстотерпице, всех Владыце и Богу благая и верная рабо явившаяся! Днесь, собра­нии в храме твоем, к мощем твоим припадающе, умиленно вопи­ем и молим тя: моли с нами и о нас умоляемаго от Своего благоутро­бия Бога, да милостивно услышит нас, просящих Его благостыню, и подаст нам вся, яже ко спасению и житию нужная прошения, и всем на вся­ком месте, во всякой скорби и обстоянии требующим Его человеколюбия и помощи, великую Свою милость. Да благодатию Божией и твоим теплым ходатайством здрави всегда душею и телом пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно и во веки веков. Аминь.